Eagle

ئامېرىكىنىڭ مەلۇم بىر ئالى مەكتىپىدىكى (تونۇشۇمنىڭ تونۇشى) ئۇيغۇر پروفېسسور ئاسپىرانت ئوقۇغۇچى قوبۇل قىلماقچى. ئوقۇيدىغان كەسپى ماتېماتىكا ساھەسىدە، ماگىستىر ياكى دوكتۇر ئاسپىرانتلىقىدا ئوقۇسا بولىدۇ. بۇ ئوقۇش پۇرسىتى تولۇق ئوقۇش مۇكاپاتىنى ئۆز ئىچىگە ئالغان بولۇپ، ئىلتىماس قىلغۇچىنىڭ يىللىق ئوقۇش پۇلى 20،000 دوللار كەچۈرۈم قىلىنغاندىن باشقا، ھەر ئايدا 1،700 دوللار ئوقۇتۇش ياردەمچىسى مۇكاپاتى (Teaching Assistantship) غا ئېرىشەلەيدۇ. (بۇ سىزنىڭ قولىڭىزغا ھەر ئايدا تېگىدىغان مۇئاش، بۇنىڭ بىلەن ياتاق، تاماق مەسىلىڭىزنى ئازادە ھەل قىلالايسىز.)

ئىلتىماس قىلغۇچى ماتېماتىكا، سىتاتىستىكا كەسپلىرىدە باكلاۋۇر ئۇنۋانى بولۇشى ياكى كېلەر يىلى ئوقۇش پۈتتۈرىدىغان مەكتەپتىكى ئوقۇغۇچى بولۇشى، TOEFL ئىمتىھانىدا كامىدا 600 نومۇر ئالغان بولۇشى كېرەك. باشقا قوشۇمچە شەرتلەر يوق. ئىلتىماس قىلىشنىڭ ئاخىرقى چېكى 2009-يىلى يانۋار بولۇپ، ھازىر دۇنيانىڭ ھەر قايسى جايلىرىدىن ئىلتىماس قىلغۇچىلارنىڭ ئىلتىماسى قوبۇل قىلىنىۋاتىدۇ، بۇ ئوقۇشقا قوبۇل قىلىنسىڭىز 2009-يىلى 8-ئايدا ئامېرىكىدا ئوقۇشنى باشلىيالايسىز.

بۇ ئۇيغۇر پروفېسسورنىڭ ئۇيغۇر ئوقۇغۇچى تەربىيەلەش ئارزۇسى كۈچلۈك بولۇپ، يۇقۇردىكى ئىلتىماس شەرتىگە چۈشىدىغان ئۇيغۇر ئوقۇغۇچىلارنىڭ ئىلتىماس قىلىشىنى قىزغىن قارشى ئالىدۇ.

(بۇ مۇكاپاتنىڭ ئومۇمى سوممىسى يىلىغا 40،000 دوللار بولۇپ، تاكى دوكتۇرلۇق ئوقۇشنى تاماملىغىچە 6-5 يىل ئۈزۈلدۈرمەي تەمىنلىنىدۇ.)

Jeck

كىم بىلەن قاندا ئالاقىلىشىدۇ شۇلارنىمۇ يېزىپ قويۇڭ.

batush

ۋاھ!... ۋاھ !...
ئەجەپ ياخشى پۇرسەتكەن دىسە!....
بۈركۈت ئەپەندىمنىڭ مۇشۇنداق ياخشى ئۇچۇر بىلەن تەمىنلىگىنىگە رەھمەت..

ocean

بەك ياخشى پۇرسەت ئىكەندۇق!!!!!!
مانا ئېنگىلىز تىلىنى ياخشى ئۆگەنمىگەننىڭ پايدىسىنى كۆرىڭە ئەمدى
مۇشۇنداق كېتىۋەرسىڭىز يەنە كۆرىسىز تېخى

uyghur.po

ناۋادا مىنىڭ بۇ كەسپىمدە بولغان بولسا زە كىلەر يىلى ماياندىن ئوقۇش تاماملاپ ئا ياندىنلا بىر ماڭاركەنمەن! ئوتى بار يەرنىڭ سۈيى يوق سۈيى بار يەرنىڭ ئوتى يوق دە! بولاپتۇ ...
شەرتى بار قىرنداشلارنىڭ ياخشى پۇرسەتنى قولدىن بەرمىگەيسىلەر!

NEZERI

نەقىل:

ئەسلى يوللىغۇچى: Eagle ، ۋاقتى: 2008-10-13 07:55
ئامېرىكىنىڭ مەلۇم بىر ئالى مەكتىپىدىكى (تونۇشۇمنىڭ تونۇشى) ئۇيغۇر پروفېسسور ئاسپىرانت ئوقۇغۇچى قوبۇل قىلماق ...

ئۇچۇرىڭىزغا ھەشقاللا . قىنى بۇشەرتكە چۈشىدىغانلارمۇ ئاز ئەمەسقۇ دەيمەن . ئامىرىكا چۈشى كۆرىۋاتقان بۇرادەرلەر قىنى بىر ئويغىنىلى ئەمدى . بولسا بۇنداق ئىشلار ئۈزۈلمەي ئىىلىپ بىرىلسا

EnQa

ئەسسالاۇ ئەلەيكۇم بۈركۈت ئەپەندى،سىزنىڭ شۇنچە قىممەتلىك ئۇچۇرنى بىزگە تەۋسىيە قىلغىنىڭىزغا كۆپ رەھمەت،ئەڭ موھىمى سىڭلىم سىزدىن بەك خوشال بولدى(سىڭلىم ئامىرىكىدىكىلەر بىلەن سۆھبەت دىگەن تىمىنى كۆرگەندىن بۇيان بىلىككەئەزا بولسام دەپ يۈرگىلى خېلى بولغان،لىكىن يېڭى ئەزا قوبۇللانمىغاچقا ئۆزى تىزىملىتالمىدى) سىڭلىم بۇ يىل شىنجاڭ ئۇنۋېرسىتىنىڭ ماتىماتىكا ۋە قوللىنىشچان ماتىماتىكا كەسپىنى پۈتتۈرگەن،ئىنگىلىزتىلىدا 6-دەرىجىدىن 448 نۇمۇر ئاپتۇ،ئۇنىڭ دەرىس نەتىجىسىمۇ خېلى ياخشى،لىكىن مەلۇم سەۋەپلەردىن تېخى توفىل دىگەندەك خەلىقئارالىق ئىمتىھانلارغا قاتنىشىپ باقمىدى.ئەمدى قانداق قىلار؟جۇڭگودا ئالغان بۇ ئىمتىھان نەتىجىسىنى ئېتراپ قىلمايدۇ ھەقىچان،ئۇنىڭغا پۇرسەت بولارمۇ؟بولسا تەپسىلى ئالاقىلىشىش ئۇسۇلىنى قالدۇرۇپ قويسىڭىز،سىناپ باقساق بولارمۇ.

سىزگە كۆپ رەھمەت.

Eagle

نەقىل:

ئەسلى يوللىغۇچى: uyghur.po ، ۋاقتى: 2008-10-13 04:25 PM

ناۋادا مىنىڭ بۇ كەسپىمدە بولغان بولسا زە كىلەر يىلى ماياندىن ئوقۇش تاماملاپ ئا ياندىنلا بىر ماڭاركەنمەن! ئوتى بار يەرنىڭ سۈيى يوق سۈيى بار يەرنىڭ ئوتى يوق دە! بولاپتۇ

سىز قايسى كەسپتە ئوقۇغان؟ كەسپىڭىزنى ئېيتىپ بەرسىڭىز، سىزگىمۇ ماس كېلىدىغان پۇرسەتنى مەن چوقۇم تېپىپ بېرىشكە پۈتۈن كۈچۈم بىلەن تىرىشچانلىق كۆرسىتىمەن.

Eagle

نەقىل:

ئەسلى يوللىغۇچى: EnQa ، ۋاقتى: 2008-10-13 08:37 PM

سىڭلىم بۇ يىل شىنجاڭ ئۇنۋېرسىتىنىڭ ماتىماتىكا ۋە قوللىنىشچان ماتىماتىكا كەسپىنى پۈتتۈرگەن،ئىنگىلىزتىلىدا 6-دەرىجىدىن 448 نۇمۇر ئاپتۇ،ئۇنىڭ دەرىس نەتىجىسىمۇ خېلى ياخشى.

سىڭلىڭىز ئالى مەكتەپتە بەك ياخشى ئوقۇپتۇ. مۇشۇنداق تىرىشچان سىڭلىڭىز بولغانلىقىدىن ئىپتىخارلىق ھىس قىلسىڭىز بولىدىكەن.

نەقىل:

ئەسلى يوللىغۇچى: EnQa ، ۋاقتى: 2008-10-13 08:37 PM

لىكىن مەلۇم سەۋەپلەردىن تېخى توفىل دىگەندەك خەلىقئارالىق ئىمتىھانلارغا قاتنىشىپ باقمىدى.ئەمدى قانداق قىلار؟جۇڭگودا ئالغان بۇ ئىمتىھان نەتىجىسىنى ئېتراپ قىلمايدۇ ھەقىچان

ئامېرىكىغا بېرىپ ئوقۇشنى نىيەت قىلغان ھەر قانداق ئوقۇغۇچى چوقۇم TOEFL ئىمتىھانىسى بېرىشى كېرەك. سىڭلىڭىز بۇرۇن قاتناشمىغان بولسا، بۇنىڭدىن كېيىن بۇ ئىمتىھانغا قاتناشسۇن. شىنجاڭ ئۇنۋېرىستېتىنىڭ چەتئەل تىللىرى ئىنىستوتىدا بۇ ئىمتىھان نۇقتىسى بار. جۇڭگۇنىڭ 6-دەرىجە ئىمتىھان نەتىجىسىنى ئامېرىكىدا ئوقۇشقا ئىلتىماس قىلىشتا ئىشلەتكىلى بولمايدۇ.

نەقىل:

ئەسلى يوللىغۇچى: EnQa ، ۋاقتى: 2008-10-13 08:37 PM

ئۇنىڭغا پۇرسەت بولارمۇ؟

سىڭلىڭىز TOEFL ئىمتىھانىسى بەرسىلا، بۇنداق پۇرسەتلەر سىڭلىڭىز ئۈچۈن ھەر دائىم بار. بۇ يىل پۇرسەت بولمىسا كېلەر يىلى بار. ئامېرىكىدا ماتېماتىكا، قوللىنىشچان ماتېماتىكا كەسپىدە ئوقۇش مۇكاپاتى بىلەن ئوقۇش پۇرسىتى بەك كۆپ.

نەقىل:

ئەسلى يوللىغۇچى: EnQa ، ۋاقتى: 2008-10-13 08:37 PM

بولسا تەپسىلى ئالاقىلىشىش ئۇسۇلىنى قالدۇرۇپ قويسىڭىز،سىناپ باقساق بولارمۇ.

TOEFL ئىمتىھان نەتىجىسى بولمىغان شارائىتتا، ئىلتىماس قىلىپ سىناپ باققاننىڭ ھىچ پايدىسى يوق، ئىلتىماسىڭىز تاكى TOEFL نەتىجىسىنى تەمىنلىگۈچە بىر بۇلۇڭدا قالىدۇ، 1 يىلدىن كېيىن ئەخلەتخانىغا تاشلىنىدۇ.

ئالاقىلىشىش ئۇسۇلىنى تېپىپ مەن تەمىنلىسەم بولىدۇ. سىڭلىڭىز يەنە فاكۇلتېتىدىكى مەملىكەتلىك 10 مۇنەۋۋەر ياشنىڭ بىرى، دوكتۇر ئاسپىرانت يېتەكچىسى، پروفېسسور، دوكتۇر غېنى ئەپەندىمنى ئىزدەپ، ئۆزىنىڭ داۋاملىق يۇقۇرى ئۆرلەپ ئوقۇش ئارزۇسىنى ئىپادىلىسىمۇ بولىدۇ.

بىز ئەمىلىيەتتە سىڭلىڭىزدەك تىرىشچان ئۇيغۇر ئوقۇغۇچىلىرىنى ئىزدەپ، قاتراپ يۈرۈيمىز.

Eagle

نەقىل:

كىم بىلەن قاندا ئالاقىلىشىدۇ شۇلارنىمۇ يېزىپ قويۇڭ.

مەن شۇ پروفېسسورنىڭ رۇخسىتىنى ئېلىپ، شۇنداق قىلاي. ھەممە ئىشلارنى بىلىك كۇلۇبىدا يېيىۋېتىشنىڭ ئورنىمۇ يوقكەن، بۇ ھەقتە، سىز تېخى ئالدىنقى ئايدا ماڭا دەرس بەرگەن ئىدىڭىز.